No club de lectura tamén queremos celebrar o Santo dos namorados e ¡Que mellor que este texto de Celso Emilio Ferreiro adicado á súa muller , para facelo!
Cando quero vivir
digo Moraima.
Digo Moraima
cando semento a espranza.
Digo Moraima
e ponse azul a alba.
Cando quero soñar
digo Moraima.
Digo Moraima
cando a noite é pechada.
Digo Moraima
e ponse a luz en marcha.
Cando quero chorar
digo Moraima.
Digo Moraima
cando a anguria me abafa.
Digo Moraima
e ponse a mar en calma.
Cando quero surrir
digo Moraima.
Digo Moraima
cando a mañá é crara.
Digo Moraima
e ponse a tarde mansa.
Cando quero morrer
non digo nada.
E mátame o silencio
de non decir Moraima.
Celso Emilio Ferreiro
Onde o mundo se chama Celanova
1975 – Madrid
Poderán
participar todos os/as alumnos/as do IES ANXEL FOLE.
PRODUTOS
ADMITIDOS:
O
concurso queda aberto a todo tipo de sobremesas: tortas, pasteis,
manteigadas, iogures, galletas, etc. Non se aceptará ningún
produto precociñado.
O
formato da sobremesa terá algún motivo relacionado coa
celebración doDÍA DE SAN VALENTÍN.
INSCRICIÓN:
Os
participantes inscribiranse antes do día 31 de Xaneiro de 2014,
ás 14:00 horas, na Secretaría do centro.
FORMA
E LUGAR DE PRESENTACIÓN:
O
prato preparado será entregado o día 14 de Febreiro de 2014
ás 9:00 horas, na biblioteca, para a súa degustación e
designación do veredicto dos premios gañadores.
PROCEDEMENTO:
A
cada participante asignaráselle un número, o cal se plasmará no
prato, para ocultar quen o elaborou. Para a elección dos gañadores,
por parte dos membros do xurado, teranse en conta a PRESENTACIÓN
e o SABOR.
NOMEAMENTO
DOS XUÍCES:
O
xurado estará formado por tres alumnos/as, tres
profesores/as, un compañeiro/a do persoal non docente e
un prestixioso cociñeiro da provincia de Lugo.
PREMIOS:
Os
premios poderán ser entregados por Niveis Educativos ou ás tres
mellores sobremesas, en función do número de participantes.
